2011年7月29日星期五

野長城的魅力

大自然!變化萬千,猜不到,看不透,隨心所欲,為所欲為。

北京好多有長城既地方都俾旅遊公司買佐,入內要俾錢,呢次去既臥虎山長城都俾旅遊公司買佐(25元),但當地既村民會教我地逃票,每日既6am-11am,3pm-6pm會有人守,其他時間冇人守可以自出自入。


2點幾中,徐大媽就叫醒我地,簡單地教佐廣州仔點行,送我地入佐山之後,我就問廣州仔點行,佢就話見水溝之後左手邊,之後一直爬山就會見到!廣州仔聽到就以為甘簡單應該吾會好遠,乜都冇帶正係帶佐d家產,我都一樣帶上我個袋,裝佐支水。

第一次見到火車路,當然要玩下影下相

徐大叔家的熱情 和 不能忘記的過程!

有甘樣既一句說話:不到長城非好漢。但係開發佐既﹑裝飾過既長城未免也太悶太冇挑戰性了,要去就去野長城。

係香港睇新假期介紹野長城,甘岩我又就快要去北京玩,所以上佢介紹果個網留言,拿了聯絡方法,本黎打算去新假期介紹果個地方150元住一晚,長城就係屋門口,景色好正!但係多手baidu佐一下,搵到佐徐大叔家,網上d資料係好多年前既價格已經吾準了,但對於我黎講一個電話已足夠!
徐大叔家門口


2011年7月28日星期四

狗屎垃圾的景點

朋友仔都返晒家,平時最吵果班大學生都去佐上海,平時熱鬧的青旅想不到也有這種寂靜,只有我一人獨守16人間,無無聊聊把穿了幾日既褲除下拿去洗,想不到平時放係公用洗衣間既肥皂都不見了,一定係朋友們把自己既東西都帶走了,褲洗濕了,但冇肥皂,本想掛起滴乾就算,但這時卻有個korea女人行入黎洗衫,我仲以為佢係中國人,用中文問佢有冇肥皂,原來佢係korea人,吾識聽中文,google完再問佢有冇soap,吹佐幾句,介紹自己from hk,問下佢之後去邊,同佢講自己會去邊之後就一齊係大廳上網,但仆街既就係部iphone set佐果個vpn一直連吾到,只能上一d和諧網,高登﹑fbyoutube全部上吾到,好彩手指入邊有個軟件可以爬過呢個墻,不過要用電腦先上到,青旅好在有2部電腦任玩,但冇理由成日霸住吾俾人地用,所以都吾係成日係度用電腦上網,由於真係太悶,同korea美女say佐個bye就返房訓教,沒有留任何聯絡方法。(在中國地方很大,人超多,但我們卻係幾千公里外再次相遇)

今日好早好早就起來了,收拾裝備就出發去廣州仔果間青旅住幾日,係街邊買佐2個燒餅,邊行邊咬,想買杯咖啡飲,但個心卻十五十六,因為自己冇乜錢,一杯咖啡最小幾十元,但自己咖啡癮又真係好大,好在搵黎搵去都吾見有咖啡店,係地鐵站外見到間士多有支裝咖啡,猶豫佐一下都係買佐,2眼好似見到寶甘,發晒光,但第一啖落去之後,爆晒粗,甜到飛起,好似糖水甘,真係想掉佢出馬路中間,但想一想這是錢呀,吾好浪費,合上2眼,2啖啪佐落肚。平時d咖啡香﹑苦澀會係個口度滾動,但呢次全是糖分在滾動。


2011年7月27日星期三

離別是最痛苦的

坐係青旅門口,外面正落大雨,雨水在空中分散,落到地上相聚。此時我收起了已麻木的笑容,因為痛苦的離別即將降臨,明明好似看出了我的心情,不停甘係度了我玩,叫我俾係香港生活片佢睇,我把iphone递俾佢,坐在一角寫下了一些東西。

聽雨水落的聲音,那麼的輕,而此刻的心是那麼的重,旅遊的確很迷人,沒有相遇,沒有經過,沒有道別,怎麼會有充實的旅程。我這次旅遊認識的朋友都已回家,明明也快要回家了。昨日明明同學把她交到我手上時開出既條件我都一一做到了,跟我說要看好她,準時7點要把她拖回青旅,別給她自己跑了要不她一定又不想回家了,更別把她帶去香港,她媽媽好想

計劃趕不上變化

行了一日,終於返到青旅,沖了個涼,落大堂坐下用wifi上下網,因為手機set個vpn吾知點解用吾到,上吾到facebook,無無聊聊企係青旅門口食煙放鬆下,順便識下朋友,天日可以一齊去玩,青旅既大堂真係好正有吾同國家既人係度吹水,齊齊係度玩game,晚晚都玩到2 3點先訓,當然我都識佐d朋友啦,仲約佐明明廣州仔同翻譯天日一齊去玩!(呢度介紹佐佢地)

由於今日有幾個人一齊去玩所以不能按自己既行程去玩,要就岩大家,因為有d朋友仔去佐我地未去既地方,由今日開始我就冇跟行程表去玩。決定佐今日去胡同、鼓樓一帶玩,由於廣州仔係第2間青旅住,所以我就約佐佢係地鐵站等。個個都好準時8點出現係大堂,齊佐人先食早餐,廣州仔又帶佐個朋友黎,閙閙。一行5人開始今日既旅程。
旅行團既旅客比我地仲早

係度見到d e生教人bvm同cpr,嘻嘻我又識真係想去露2手

2011年7月26日星期二

廣交朋友,yourth hostel

yourth hostel提倡既係為青年和學生旅遊者提供“安全、衛生、友善、舒適、經濟、環保”的住宿服務,鼓勵青年熱愛旅遊,熱愛自然,廣交朋友,從而達到促進青年間的文化交流和推廣自助而健康的環保旅遊的目的,進而為社會培養青年的社會意識、自律意識、文化意識、多元化意識及環保意識等提供一個場所。
係青旅內我認識大陸朋友十居其九都係大學生,個個都好nice,因為我既普通話真係好普通,佢地個個都好好心機教我,2日內已經由吾識講變成可以同人溝通,當然仲有d音轉吾到,佢地同人地講野會講得好快,我會聽吾明,但佢地同我講野時會慢半拍,等我邊傾計邊學普通話


2011年7月25日星期一

寂寞不適合我

今日按照計劃去天安門,紫禁城,北海公園等地方玩,很早很早就起來了,先去找賣火車票的地方,走了大半個中頭,卻買不到硬臥火車飛,因為返廣東既車飛好多時都俾d黃牛買晒,買不到也冇所謂了吧,明天在早些去看看吧,冇硬臥就挑戰硬坐吧!

出來冇耐天就開始落雨,找個地方食了個早餐,就找地鐵站出發今日既行程,來到天安門,雨細了,但能見度還是很低很低,草草看了2眼就向紫禁城出發,因為此刻開始想遠在香港的女朋友了,入了紫禁城心情更差了,很多旅行團,選了向左行避開人潮。