野長城的魅力

大自然！變化萬千，猜不到，看不透，隨心所欲，為所欲為。

北京好多有長城既地方都俾旅遊公司買佐，入內要俾錢，呢次去既臥虎山長城都俾旅遊公司買佐(25元)，但當地既村民會教我地逃票，每日既6am-11am，3pm-6pm會有人守，其他時間冇人守可以自出自入。

2點幾中，徐大媽就叫醒我地，簡單地教佐廣州仔點行，送我地入佐山之後，我就問廣州仔點行，佢就話見水溝之後左手邊，之後一直爬山就會見到！廣州仔聽到就以為甘簡單應該吾會好遠，乜都冇帶正係帶佐d家產，我都一樣帶上我個袋，裝佐支水。

第一次見到火車路，當然要玩下影下相

影完玩夠就向上爬，行佐大約1個中就見到小小長城既跡象，開始hi hi地。

天日會去最遠果個山頭

今日天氣好好，又有太陽，但由於帶吾夠水，所以一路上都就住就住甘飲，玩下望下，晒佐好多時間，一路上只見到一隊既鬼老，冇其他人經過，見班鬼老落山就問佢地仲有冇水，可吾可以俾d我地，呢班鬼老都算孤寒，有水都吾俾我地。

落到黎徐大媽已經準備好飯菜俾我地食飯，2個人3個菜，徐大媽自己裝小小菜出黎同徐大叔既媽媽食，徐大叔就去佐幫朋友整野未返，我見到甘就死都要徐大媽同我地一齊食，如果吾係我就吾食，佢好關心我地，同樣係甘叫我地食多d，自己卻吾食d菜，怕我地吾夠食，其實我地跟本食吾晒，為佐吾浪費食物，最後同廣州仔都啪晒d飯菜。

徐大叔返到黎就問我地去吾去到，我地話可能行錯佐路，搞佐好耐先去到第一個戰台，後邊果d冇上，徐大叔就叫我地天日去過，但我吾係甘想去，廣州仔就好想去，就係度吵天日去吾去，因為天氣預報話天日落雨，廣州仔就話如果冇落雨死都要去，我就吾係甘想去，但想想下冇理由要佢自己一個去傢，大家黎到，佢自己去又危險，就應成佐天日一齊去。

第2朝5點徐大叔就黎叫醒我地，好感動，甘早起身就係怕我地錯過佐時間，畫佐張地圖俾我地，又教佐我一次點行，呢次吾俾廣州仔帶路，費事又錯佐，1人帶佐幾支水就出發。

由於今日既天氣吾好，好大霧，入到山又大風，吹到死死下，feel到d霧係面前飛過，露水整到對鞋對腳都濕晒，對腳琴日又俾d倒刺刺到開晒花，今日一濕水就la住la住甘，一開始仲以為咩事，2個人都係度話吾知俾咩咬，望真d損晒，成腳都係，一條條甘紅晒，原來琴日懶得跨過d樹枝，好多時都就係甘拖住過。

大自然的威力，行雷閃電的後果

終於到了，再行就係死路了面前就係90度既山邊，當年打戰的敵人都過吾到。係呢個戰台玩佐好耐，直到開始落雨，我地就即刻返轉頭。 

雨水愈落愈大，泥地滑到飛起，由於我地入去時冇買票要找遠路既山邊落，如果吾係俾人捉到一樣要買票，因為真係吾想晒佐呢25元，所以繼續逃票。差點就滾落山底！

就係由呢個山洞頂水平線對上小小開始滾住落，腦海一片空白，對手只懂得係甘捉，粗口橫飛，廣州仔係甘叫我捉住呀！捉住呀！好彩係火車上有祈禱，滾既方向就滾得好岩，直接滾落火車路，腳跟落地，之後係廣東休息佐幾日行吾到！

回過神其實已經落狗屎，但頭先大命不死，已忘記一切，問廣州仔有冇買保險，原來佢冇買，我話我有買，佢就話甘死佐都抵，有一百幾十萬。就係果下我呆了呆，想了想若我真係死係旅遊上會點呢！心中其實已有答案了，但一直不敢說出黎。

回到徐大叔家成身濕晒，草草食了個早餐又要離別了

離開時雨水更大了，徐大媽就係度幫我地裝水，裝佐幾支俾我地，原來佢有幫我地放起d空瓶，叫我地省點花錢，多去幾個地方玩玩，多看看不同的世界。

徐大叔既媽媽就係甘係度叫我地，孩子小心，路上小心，注意身體！我也祝福她


徐大叔憑記憶同我地收錢，我地拿了多少支水，幾支渒酒，幾支可樂全憑記憶，最後的零頭還不收我們，說我們是學生，不讓我們花多一分錢！

直到徐大叔送我地上車，我又慌忙用手指按住，怕俾人看到。