徐大叔家的熱情 和 不能忘記的過程！

有甘樣既一句說話：不到長城非好漢。但係開發佐既﹑裝飾過既長城未免也太悶太冇挑戰性了，要去就去野長城。

係香港睇新假期介紹野長城，甘岩我又就快要去北京玩，所以上佢介紹果個網留言，拿了聯絡方法，本黎打算去新假期介紹果個地方150元住一晚，長城就係屋門口，景色好正！但係多手baidu佐一下，搵到佐徐大叔家，網上d資料係好多年前既價格已經吾準了，但對於我黎講一個電話已足夠！

徐大叔家門口

我d普通話經過呢幾日既死練已經去到我講人地明，人地慢慢講我明既境界！所以徐大叔呢個地方係我搵到既當然由我跟返了，但由於徐大伯家已經遠離北京市，去到接近河北了4個幾中車程，所以有好多鄉音，當吾明時我就會搵廣州仔聽。

一打電話去徐大叔家已經feel到佢好熱情，但由於第一次打電話去時我係去緊玩，試探清楚真係有呢個地方同價錢後(65元住1晚包3餐)，就同徐大叔講我去玩緊可吾可以今晚先傾，是是但但講佐個時間俾徐大伯，徐大叔真係好準時打返俾我，因為佢要教我地點去，點知果陣時我仲係清華大學入邊，飛飛下單車有花生食(有一個家庭黎北京玩，可能d仔女吾聽話，個呀媽係度要打要殺，好好笑)為佐吾阻住我花生當然又同徐大伯講一小時後先ok嗎！徐大叔好好人冇say no。一個中後徐大伯又好準時打黎，呢次我已經係返青旅既bus上，以我地呢幾日係北京玩既經驗車程最小1個中，問佐個北京人點知佢話個半中，嘩屌有冇搞錯甘耐傢，由於太累就同廣州仔2個男人抱住d家產貼到近一近就訓教，點知岩岩訓著就俾電話叫醒佐，估到係徐大叔啦！徐大叔好好心機教我地點去佢度，叫我拿支筆記低，嘩原來真係好複雜，講佐一次之後confirm完又再confirm，怕死我吾識去甘，之後就問我地係邊度人，又問我地係學生定咩，原來學生仲有得平60元，同埋徐大媽要知道我地係邊度人先至煮到岩我地口味既飯菜。

坐車攻略，吾好話我寫得樣衰呀！我依家睇返都仲明寫咩

好早好早我同廣州仔就起身出發去野長城，係街邊食蒸包，屌那媽，我都算大食個了，點知廣州仔仲勁過我，佢一開波就要佐8隻，我呆晒，我要3隻之後再3隻已經飽出屎，出發時佢仲外賣2隻，佢話齊頭十隻好俾錢。食完包就打個電話俾徐大叔同佢講我地出發，佢就教我地坐幾點車，仲教埋我地去到東直門地鐵站之後點行去搵980，但其實我甘醒邊會細心聽呢d野，最多到時吾識咪問人，原來980有好多黑車，指既係私人經營既車，由於車型車色乜都做得同政府經營果d一樣，only吾可以用北京通同入站，但就停係離站頭1m既地方，價錢就好貴，尊呃外地人同鬼老，都見到好多人中伏上佐果d車，因為黑車果d人見到你係度搵搵搵就係甘拉你上車。我同廣州仔就係度恥笑果d人，見到係靚女既我就會打個眼色俾佢，醒吾醒就睇佢自己了！都有幾個醒水，總算對得住良心！耐吾耐徐大叔就會打個電話黎問下我地。

由於係980上我已經開始急屎，廣州仔就急尿，大家都忍佐個半中，一落車就係甘搵toilet，但由於落車既地方離轉車既地方仲有段路，我地就順住呢條路係度搵，但仲係好早加上已經遠離北京市，俯近冇商店，行行下就到佐轉車既地方，有d小販係度賣野我地就問佢邊度有toilet，佢話轉左商場入邊有，搵到商場原來開9點，屌那媽，廣州仔就話冇咩人不如係街邊花壇呵佐佢算，我話你呵尿得姐我急屎呀屌，話口未完佢已經係度呵緊！甘我就係度頭痛緊呵吾呵，望望本notes寫佐有中國移動既門市，就問d小販入邊有冇，佢地話有不過吾知俾吾俾你呵，屌吾撚係呀！有toilet吾俾用，吾理甘多狗沖過去，有個靚女服務員企係門口幫客人開門，見我沖得甘快問我咩事，我話可吾可以借個toilet俾我爽佐先！佢都好爽手甘話前面轉左，嘩屌你老母千萬大軍係果一刻爆發出黎！出到大廳見時間仲早，因為我地坐9點10分既車，就係大廳度坐，見到果個服務員同佢講佐聲thx，佢就笑笑口，我吾知佢笑咩就多多咀了下人，問佢笑什麼，佢話你一定忍了很久了吧！

上了25路車後又打電話俾徐大叔，同佢講我地坐9點10分既車黎緊，佢話徐大媽會係街口接我地，之後都係甘打電話黎問我地到邊，但我地知鬼係邊咩，其實佢只係關心我地路上係吾係安全，徐大叔一家人真係好！坐佐2個幾中後到佐落車個街口，賣票員叫我地落車，一落車就聽到徐大媽係度維維﹑維維！

去到徐大叔定已經為我地準備好飯菜

徐大叔既媽媽，當我係孫仔甘

見到有飯食好似食到寶甘，d送又好味一次過啪佐幾碗(因為窮，所以出黎甘多日都未入過大飯店食飯，北方人平時好小食飯，所以街邊好難搵到飯食)，食飽飯飲佐酒後徐大媽就叫我地訓陣覺，中國人習慣午睡，訓醒先教我地逃票玩野長城，仲問我地係佢地個房一齊住定去旅客房住，為佐吾阻住徐大叔家人當然吾會住佢地房啦，佢先先以為我同女朋友黎，為我地準備佐張大床，哈哈哈點知係同廣州仔黎，不過吾緊要，徐大叔家旅客園好大，一百幾十人黎住都吾成問題。

退休之前徐大叔係古北口火車站做，見有d靚仔去到古北口搵野長城，但由於冇地方住就訓火車站，徐大叔見到天氣甘凍佢地訓火車站就帶佢地返屋企住，就係甘樣徐大叔就開始佐佢既接待背包客生活，徐大媽本身係火車站負責煮飯，所以全國甘多省既飯菜佢都識煮，仲有你想食咩都可以同佢講叫佢煮，真係好好好味！